【明報專訊】「鍾醫生，呢個秘密唔係我自己講你知㗎，係你自己估中咗，所以我無違背我對老婆嘅承諾吖……」那一刻，對用了差不多3個月時間才猜對這條謎語的我而言，感覺雖然興奮，但內心卻又同時在悄悄嘆息：「真係可惜，咁細個就因為吸大麻而患上思覺失調……」

今年才剛滿20歲的威仔，大概1年前因情緒低落，由社工轉介至精神科就醫。威仔當時之所以抑鬱，是因為他的前女友為報復威仔跟她分手，把從小陪伴威仔成長的貓斬首！更恐怖的是，她竟然把牠的頭顱偷偷藏在威仔平常騎單車時用的安全帽內。「我啱啱要戴起個頭盔，Q仔（貓的名字）嗰頭就喺我眼前碌落地上。我感覺到佢個頭掂到我個鼻尖！嗰一刻我除咗驚同成個人硬咗咁企咗喺原地外，跟本嚟唔切有咩反應……」之後幾個月，威仔開始失眠和發噩夢，每天自責沒有好好保護Q仔。「除咗喊，就係喊。食食吓飯會無情情喊，返緊工又會諗起Q仔喺度喊，根本集中唔到精神做嘢。朋友見我咁，就夾咗我落酒吧，就喺咁第一次接觸到大麻。亦係咁，不知不覺就smoke到𠵱家。」據威仔的回憶，最初大麻確曾令他心情和失眠稍為好轉，但之後效果愈來愈短暫。即使威仔染上吸食大麻的習慣才不足半年，他吸食的分量已由每日幾口，遞增至就診前的每日兩三支。而威仔亦漸漸從最初在覆診時聊他自己的心情，後來聊到他口中的「老婆」怪奇比莉 （Billie Eilish）。

吸大麻患思覺失調 妄想和巨星結婚

據威仔透露，他和比莉是6年前在香港的一間夜店裏結識。由於他們一見鍾情，於是比莉在回美國前用特殊的方法偷取了他的細胞，再通過試管方法成孕，所以他跟比莉現在育有一名6歲大的兒子。威仔更說比莉不介意他抽大麻，因為在美國部分州份吸食大麻是合法的。而比莉亦會對威仔「憑歌寄意」，又會在她的音樂視頻中用特殊的方法向他傳遞「秘密」。「佢有首歌嘅MV咪喺地板同牆飛嚟飛去嘅，歌名有『feather』嗰個字呢……其實佢係同我講太忙飛唔到嚟見我，又叫我唔好返工咁辛苦，因為有佢就夠『發』，feather，發達呀。」所以威仔個多月前就「祼辭」，靠積蓄或信用卡消費過活。他堅信比莉會在今年用私人飛機接他到美國一家團聚。有趣的是，雖然威仔拒絕我的提議，接受藥物或心理治療去緩解他的思覺失調、妄想或大麻成癮，但他每次也會依時覆診。「鍾醫生，我返嚟係因為只有你估得中我老婆係邊個，我可以同你分享。唉，身為國際巨星嘅老公，真係好『啞子食黃連』㗎……」

事實上，大麻在世界各地的科研中一早被確認為一種能誘發思覺失調的物質。根據2019年一份在《刺針——精神病學》發表的研究報告，大麻使用者相較非使用者患上思覺失調的可能更高出3倍之多。本地研究方面，據禁毒基金於2018年贊助的一項有關大麻誘發精神病的病發率研究中指出，約25%本地大麻使用者有「終身抑鬱症」 （lifetime depression）。另外，有48%大麻使用者更曾出現思覺失調病徵。當中，妄想是最常見的病狀之一。可幸，筆者在2025年刊登於《物質使用與成癮治療期刊》的一項研究中發現，新型抗抑鬱藥能有效改善大麻使用者的抑鬱情况。而用於臨牀治療思覺失調的藥物，一般也能治癒因大麻而誘發的思覺失調。不過，無論如何，戒除大麻才是這班大麻受害者最治本良方！

<刊載於《am730》，2026年2月24日>